DUVI. Diario da Universidade de Vigo
Inicio arrow Campus de Vigo
Luns, 25 de setembro do 2017

A programación complétase con fotografía, guitarra, cultura exipcia, teatro, música e curtametraxe

Os obradoiros do primeiro cuadrimestre traen sabor a outono

Con cursos de agricultura ecolóxica e de identificación de plantas comestibles e cogomelos propios desta estación


ImageO outono que acaba de comezar é a estación dos cogomelos, as setas, as castañas, as landras, as estrugas e de outras moitas especies vexetais comestibles. Por iso, a programación de obradoiros de Extensión Universitaria para o primeiro cuadrimestre prestará especial atención á contorna natural cun curso de identificación e cociña con plantas silvestres de outono, outro de identificación de cogomelos e un terceiro de agricultura ecolóxica. Estes son tres dos nove obradoiros que hoxe luns abren o período de inscrición no campus de Vigo, un programa que se completa cos xa tradicionais cursos de iniciación á fotografía dixital, guitarra e teatro. Xunto con eles, a oferta comprende un obradoiro de introdución á cultura exipcia, outro de música tradicional e un último de introdución á curtametraxe.
Luns, 25 de setembro do 2017

Participan preto de 30 alumnas e alumnos de Enxeñaría de Telecomunicación e Comunicación Audiovisual

Un equipo multidisciplinar converte en videoxogo unha das obras de José Saramago

A idea é presentar unha primeira versión coincidindo coas xornadas da cátedra que se van celebrar en Pontevedra


ImageUn videoxogo inspirado nunha das obras do Premio Nobel José Saramago? Os personaxe de A viaxe do elefante cobrando vida na pantalla dun ordenador? Estas posibilidades deixarán en apenas un par de meses de ser conxecturas para converterse en realidade grazas á iniciativa posta en marcha polo grupo de innovación docente ComTecArt (Comunicación, Tecnoloxía e Arte), un equipo multidisciplinar que arranca a súa actividade cunha experiencia onde alumnas e alumnos de Comunicación Audiovisual e de Enxeñaría de Telecomunicación traballan en grupos multidisciplinares para facer un videoxogo baseado nesta obra de José Saramago. A idea é poder presentar o primeiro nivel do videoxogo nas xornadas que a Cátedra Internacional José Saramago da Universidade de Vigo celebrará o vindeiro mes de novembro na cidade de Pontevedra.
Luns, 25 de setembro do 2017

O equipo vigués perdeu 24-32 no segundo encontro da temporada

O Kaleido Universidade estréase na casa con derrota ante o Eibar

O mércores celebrase no pavillón do campus de Vigo un maratón de zumba e hip hop


Image O Kaleido Universidade de Vigo non foi quen de iniciar a temporada no seu campo cunha vitoria e caeu 24-32 ante o Avia Eibar. A contundencia e acerto permitiron ao equipo visitante gañar un partido no que o conxunto de Maxwell salvou un punto bonus ofensivo na segunda parte. O equipo vigués, comezou o encontro adiantándose nunha gran xogada de Barandiarán, que rompeu a liña visitante e pousou o oval na zona de marca contraria. Tras esta derrota o Kaleido Universidade de Vigo viaxará a próxima semana a San Sebastián, onde se enfrontará ao AVK Bera Bera RT.
Venres, 22 de setembro do 2017

Nun acto celebrado na Morgan Library, o reitor recibiu o manuscrito que contén a obra de Martin Codax

800 anos e máis de 5300 quilómetros despois, o Pergamiño Vindel inicia o seu retorno a Vigo

“Estamos moi contentos de compartir este tesouro coa Universidade”, asegurou o director da Morgan, Colin Bailey


ImageO versos das cantigas de Martin Codax resoaron este venres sala North Parlor da Morgan Library&Museum de Nova York no transcurso da cerimonia na que a institución propietaria do Pergamiño Vindel, que contén a obra poética do trobador galego, entregou temporalmente “un dos seus tesouros”, como recoñeceu o seu director Colin B.Baley, á Universidade de Vigo. A institución académica comezou hai dous anos un proceso de negociación coa Morgan Library co obxectivo de acadar o retorno a Vigo do pergamiño que contén as sete cantigas, seis delas con notación musical, do trobador Martin Codax, co obxectivo de mostralo publicamente na contorna onde foi concibido no século XIII. “Grazas, dicimos en galego. Grazas á Morgan por facer súa a nosa petición e confiarlle a esta universidade un dos seus tesouros máis prezados", dixo Salustiano Mato na súa intervención na Morgan.
Venres, 22 de setembro do 2017

Xornada organizada por Feminario de Investigación co apoio da Unidade de Igualdade

Micromachismos que contribúen a perpetuar as macroviolencias estruturais do patriarcado

Expertas de diferentes universidades debateron sobre esta “disimuladas situacións de desigualdade”


ImageEnténdese por “micromachismos” as manifestacións de violencia de xénero sutís, que adoitan pasar desapercibidas no día a día. Lonxe de querer identificar estas accións discriminatorias con algo mínimo ou pequeno -a pesares do prefixo– a xornada de formación en xénero Micromachismos, macroviolencias: debates abertos, que tivo lugar este venres na Facultade de Filoloxía e Tradución, propuxo una reflexión conxunta sobre o impacto que estas disimuladas situacións de desigualdade supoñen para as mulleres e identidades non heteronormativas en diferentes eidos da sociedade. O obxectivo é fornecer ao alumnado de ferramentas para detectar o intricado sistema de opresións interrelacionadas que opera na nosa cultura, que se toman como 'o normal' ou mesmo 'natural'", explica Belén Martín Lucas, docente organizadora.
Venres, 22 de setembro do 2017

O prazo de preinscrición manterase aberto ata o luns 25 de setembro

A serie ‘Black Mirror’ abrirá os debates sobre hipertecnoloxización do curso ‘Ethics and Technology’

A iniciativa está dirixida a estudantes da EET, a profesionais do INEO e ao público en xeral


Image“Podería un personaxe dixital gañar unhas eleccións a través da televisión e das redes sociais? Como sería a nosa vida se gravaramos tódalas nosas actividades e puidéramos rebobinalas? Onde estaría o límite do uso das tecnoloxías para decidir manter ou finalizar unha relación?”, segundo Íñigo Cuiñas, director da Escola de Enxeñaría de Telecomunicacións (EET), estas e outras preguntas serán os eixos temáticos dos debates sobre as consecuencias éticas da hipertecnoloxización que terán lugar no curso Ethics and Technology, coordinado polo propio Cuiñas e Lucía Gregorio, directora xeral do INEO. Todas as persoas interesadas poden preinscribirse nesta actividade formativa ata o 25 setembro.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 6042

Duvi. Diario da Universidade de Vigo. | Contacta con nós