DUVI. Diario da Universidade de Vigo
Inicio arrow Campus de Ourense
Venres, 26 de maio do 2017

Ourense acolleu este venres a gala de entrega de premios do Concurso de Vídeos na Rede

E os mellores ‘youtubeir@s’ son...

As pezas de Corasón de Churrasco e Teño unha Horta en San Sadurniño acadaron os galardóns principais


ImageUn vídeo opinativo sobre a problemática da praga da couza guatemalteca e un videotitorial de como facer un guiso anti-San Valentín. Estas son as pezas audiovisuais premiadas na primeira edición de Youtubeir@s Concurso de Vídeos na Rede. O Teatro Principal de Ourense acolleu este venres a gala de entrega de premios desta iniciativa dos servizos de normalización lingüística das universidades de Vigo, Santiago de Compostela e A Coruña e dos concellos da Baña, A Coruña, Ames, Carballo, Mazaricos, Ourense, Pontevedra, Ribadeo, Santiago de Compostela, Teo e O Grove. Con este acto culminou un proxecto que naceu coa vontade de conseguir que haxa máis vídeos en galego en Internet, concretamente na canle de YouTube, co fin último de fomentar a presenza e o uso deste idioma na rede.
Venres, 26 de maio do 2017

O equipo conseguiu o ascenso na liga afeccionada española de League of Legends

O Aurien eSport Club despide a súa primeira tempada de competición satisfeito polos resultados

Na actualidade conta con 25 xogadores e xogadoras


ImageCo inicio do curso académico 2016/2017, o campus de Ourense acolleu o nacemento dun novo club nas súas instalacións, coa peculiaridade de que se trataba non dun club deportivo senón dos chamados eSports, deportes electrónicos. O Aurien eSport Club botou a andar con sete membros e participando nunha liga universitaria e este mes vén de rematar a súa primeira tempada de competición conseguindo o ascenso de categoría na liga española afeccionada de League of Legends e contando con 25 xogadores e xogadoras nas súas filas.
Xoves, 25 de maio do 2017

O proxecto de investigación afonda na súa propagación en diferentes medios

Físicos do campus buscan novos comportamentos exóticos da luz

Trátase dun estudo de carácter teórico que conta con financiamento estatal


ImageA fotónica é unha das tecnoloxías clave recoñecidas pola Unión Europea polo seu grande impacto presente e futuro na sociedade do século XXI. O control cada vez máis preciso da xeración e propagación da luz facilita o desenvolvemento de numerosas aplicacións prácticas en eidos tan diversos como as telecomunicacións, a enerxía, a saúde, a fabricación industrial ou a ciencia máis básica. Na vangarda desta área de investigación, físicos do campus de Ourense levan a cabo un proxecto de busca e análise de novos comportamentos exóticos da luz en circunstancias particulares.
Mércores, 24 de maio do 2017

No estudo participa persoal investigador da Área de Edafoloxía e Química Agrícola

Un proxecto estatal analiza o impacto que teñen no solo os antibióticos de uso veterinario

Nel avalíase a presenza destas substancias en excrecións de gando e zonas de explotación intensiva


ImageEntre o 30 e o 80% dos antibióticos empregados en gandaría son excretados por ouriños e feces, acumulándose en esterco e xurros que ao ser aplicados no solo pasan ao medio natural cunha mobilidade que depende da capacidade de adsorción-desorción do terreo. Un proxecto de investigación estatal no que participan investigadores da Facultade de Ciencias do campus de Ourense estuda a presenza e dinámica de antibióticos en excretas de gando e en solos de cultivo, tendo como obxectivos últimos identificar áreas de alto risco de contaminación por antibióticos e valorar medidas para reducir a súa concentración e o seu paso á cadea alimentaria e ás augas. A pesar da capacidade de impacto desta contaminación e de que Galicia posúe unha importante actividade agrícola e gandeira, os investigadores sinalan que non existen estudos científicos en detalle sobre a presenza e dinámica de antibióticos en solos agrícolas e pasteiros galegos.
Martes, 23 de maio do 2017

Este martes presentouse a oferta formativa do campus de Ourense para 2017

Achégase o verán, chegan os cursos de extensión universitaria

En total convócanse sete actividades e 400 prazas


ImageSete cursos a desenvolver entre xuño e setembro, 400 prazas dispoñibles para membros da comunidade universitaria e cidadáns en xeral, prezos “case simbólicos” e unha media de 30 horas de formación. Con estes datos xerais preséntase a programación de extensión universitaria 2017 no campus de Ourense. Os chamados cursos de verán volven cunha programación renovada para abrir e co obxectivo de levar a formación universitaria a espazos e públicos diversos. O prazo de matrícula xa está aberto ata esgotamento de prazas en cada un dos cursos.
Martes, 23 de maio do 2017

A Asociación de Ciencias da Educación organiza cada semana un encontro no Pavillón de Estudantes

Os martes o café e a conversa corren por conta de Auce

O obxectivo da iniciativa é dinamizar a participación do alumnado na actividade do campus e da cidade


ImageUn café-encontro no que o alumnado das diferentes titulacións se poida achegar a compartir conversa e tempo de ocio e a informarse sobre a actividade que ten á súa disposición tanto do campus de Ourense como na cidade en xeral. Con este obxectivo, desde o pasado mes de abril e ata finais de xuño, Auce, a Asociación Universitaria de Ciencias da Educación do campus de Ourense, organiza cada martes na sala común do Pavillón de Estudantes un café aberto e de balde para todas as persoas interesadas. As sesións, que teñen lugar de 10.00 a 13.00 h, tamén son aproveitadas para desenvolver diferentes actividades culturais, como proxeccións e conferencias.
<< Inicio < Ant. 1 2 3 4 5 6 7 8 9 10 Seg. > Remate >>
Resultados 1 - 6 de 3646

Duvi. Diario da Universidade de Vigo. | Contacta con nós