DUVI. Diario da Universidade de Vigo
Cabeceira
Martes, 17 de outubro do 2017

A programación cultural do primeiro cuadrimestre arranca este mércores coa actuación de Los Zigarros

Cristina Pato dirixe 'O Pergamiño Vindel: unha viaxe musical', un espectáculo de fusión para o concerto de Nadal

Teatro, música e cine integran a oferta


Image A gaiteira Cristina Pato será a protagonista do concerto de Nadal da Universidade de Vigo, que este ano renderá homenaxe ao Pergamiño Vindel, co gallo do seu regreso á cidade, onde permanecerá ata o vindeiro mes de marzo de 2018. O Pergamiño Vindel: unha viaxe musical é o título do espectáculo que a gaiteira dirixirá e no que fará un percorrido polas numerosas viaxes do pergamiño ata chegar, oito séculos despois da súa creación, ao mar de Vigo. Cun formato que mestura o concerto e a conferencia e que inclúe sete arranxos das cantigas orixinais realizados por recoñecidos artistas galegos procedentes de estilos como o jazz, a música antiga ou a tradicional, o espectáculo enlazará a música con pequenas conversas, en formato entrevista, con expertos na obra de Martin Codax.

Duvi. Diario da Universidade de Vigo. | Contacta con nós