DUVI. Diario da Universidade de Vigo
Cabeceira
Xoves, 28 de maio do 2015

O Programa de Maiores da Universidade impulsa o proxecto Ágora

Un ecosistema de aprendizaxe pioneiro para democratizar o acceso dos estudantes sénior ao coñecemento

Comprende unha canle de Tv, unha biblioteca dixital nacional e unha revista electrónica e impresa


ImageSegundo os datos do Instituto Galego de Estatística, en 1991 había en Galicia arredor de 10.900 persoas con máis de 90 anos. 23 anos despois, en 2014, eran xa 37.000 e agárdase que en 2029 sexan 70.000. Isto pode supor un problema demográfico e “o que tentamos é propoñer solucións para que estas persoas ocupan o seu tempo”, explicaba Alejandro Otero, presidente da Federación Galega de Asociacións Universitarias Séniors, FEGAUS, este mércores na presentación do proxecto Ágora, unha iniciativa impulsada polo Programa de Maiores da Universidade de Vigo e na que participan os sete campus galegos. Segundo os seus promotores, “Ágora propón un novo modelo de acceso ao coñecemento, baseado na innovación e na aplicación das novas tecnoloxías, co obxectivo de potenciar a creación dun ecosistema da aprendizaxe que se erixa no referente nacional”.

Duvi. Diario da Universidade de Vigo. | Contacta con nós