DUVI. Diario da Universidade de Vigo
Cabeceira
Sábado, 30 de abril do 2016

A administración autonómica achegará case 2 millóns de euros en tres anualidades ata 2018

Comeza a conta atrás para o regreso da Universidade ao corazón de Vigo

Consellería e institución académica asinaron hoxe o convenio para a construción do edificio no casco vello


Image Co obxectivo de impulsar a súa presenza en Vigo e promover a investigación, os intercambios e as sinerxías co tecido empresarial, cultural e social da cidade, a Universidade de Vigo disporá a partir do ano 2018 dun edificio con espazos polivalentes, localizado nos actuais números 11, 13 e 15 da Ribeira do Berbés. O proceso comezaba en setembro de 2014 coa cesión gratuíta por parte do Consorcio do casco vello do dereito de superficie durante un período de corenta anos. O pasado mes de outubro de 2015 a Xunta de Galicia confirmaba a súa participación no financiamento do proxecto, un compromiso materializado hoxe coa sinatura do convenio de colaboración entre a Consellería de Cultura, Educación e Ordenación Universitaria e a Universidade de Vigo, asinado polo conselleiro, Román Rodríguez e o reitor, Salustiano Mato. O orzamento total da actuación ascenderá a case 2 millóns de euros (1.977.429,68), achegados na súa totalidade pola consellería.

Duvi. Diario da Universidade de Vigo. | Contacta con nós